Bellycat的部落格

今日結婚周年紀念, 昨日先同朋友食完自助餐, 今日都唔知食乜, 又

唔想去太遠, 沙田又唔覺有乜好食, 後來都係去咗打邊爐, 因為係小貓

子的致愛.  通常諗唔到食乜都係去打邊爐.

今晚試咗小肥牛(因為未去過), 都幾ok, 價錢一般, 唔平唔貴, 當然我們

無乜叫海鮮, 因為海鮮自己買黎係屋企打抵食d.  我們揀咗幾款比較

特別的, 如黑牛栢頁, 黃喉(牛的喉嚨), 蟹子墨魚滑同蝦滑, 仲有好多人

推介的28元的本地肥牛同10元的安格斯牛肩.   咁多樣以蟹子墨魚滑同

牛肩小貓子最滿意, 因為個牛肩10元, 諗住麻麻地, 但都幾有牛味,好食!

 反而個本地肥牛麻麻地, 不過28元就算啦, 本來諗住試下d平既然後先

再叫碟貴比較下, 但結果係食唔晒, 所以無叫到, 今晚仲學人"隊"啤酒,

 20元3枝日本Asahi啤酒, 平過飲汽水, 無理由唔叫, 但結果兩個人飲兩

枝都飲唔晒, 仲飲到少少醉添, 真無用, 呵呵!

碟肥牛都算大碟, 而下面果碟牛肩幾好味, 10元超抵!

黃喉幾爽, 口感唔錯

賣相好可愛既雙滑 - 蝦滑同蟹子墨魚滑

豬潤同豬腰新鮮, 但厚切, 唔鐘意

點少得致愛的雲吞同水餃

仲有, 呢間的炸腐皮好好食, 而且好多嘢都可以雙併, 咁就可以試多d唔同的嘢!