Bellycat的部落格

雖然病, 但聖誕節都要出去泡下, 無理由匿係屋企, 所以25日那天食咗藥,

温温頓頓都去了深圳飲茶同揼骨, 夜晚落返黎, 因為晚上約了朋友食飯. 本

來想去和宴食日式燒肉, 10點3去到已經話收咗,  原以為尖沙咀d食肆會收

夜d, 但原來好多都收11點, 10點幾已經唔接客, 結果求其找了家韓國燒肉

店食烤肉(好似叫三木, 我們也是最後一枱客), 個8小碟前菜幾好, 但烤肉就

一般, service都幾好.  食完跟住去海運大廈睇燈飾, 感受一下聖誕氣氛, 11點

幾都仲超多人, 同埋覺得今年無往年咁靚, 簡單咗d.

食韓國嘢, 小貓子最鐘意就係d前菜, 好好味!

叫了西冷牛肉同牛肋骨, 一個有醃, 一個無醃, 結果係有醃的牛肋骨好味d.

眼濶肚窄, 明知食唔晒, 都要叫炒粉絲, 因為係小貓子至愛. 

晚上11點幾都仲係人頭湧湧.

之後去咗睇子夜場, 睇個套 3D 阿凡逹, 因為好多人話好睇, 所以又去睇下,

百幾蚊張飛,  唔平, 但成兩個幾鐘兼3D, 又覺得差唔多, 套戲開凌晨12:40am,

睇完3點半左右,  小貓子食咗藥, 但一於死頂, 好彩無瞓著, 內容一味大堆頭大

制作, 但d畫面都幾震撼, 意念幾新, 不過就無俊男美女睇啦, 而且3D感覺唔係

咁強, 無廸士尼既3D動畫咁立體, 返到屋企結果4點幾先有得瞓, 叫做過了節目

豐富的聖誕節, 而26日當然係狂瞓啦, 哈哈!