Bellycat的部落格

星期六上完堂同一班同學仔去Marriott Hotel 食tea buffet, 今次我們係去慶功,

話晒上次我們的表演都叫做成功, 咁緊係要賀一賀啦, 一共有九位同學去,

小貓子特登唔食lunch 留翻個肚食呢餐,  去到一坐低就衝出去攞嘢食, 個

tea buffet 都幾多嘢食, 真係唔錯, 仲有d果汁特飲添, 佢其實似一個迷你版的

lunch buffet , 除咗無生蠔扒類之外, 都有一款魚生同幾款壽司, 沙律都幾多,

熱盤就有四五盤, 仲有好多中式同西式點心, 甜品都好多, 還有生滾粥, pan

 cake 同格仔餅, 小貓子無樣樣試勻晒, 因為吃了幾碟,都飽到上心口, 連雪

糕都食唔到, 而夜晚仲約咗人食飯 添!

鷄翼同燒賣幾好食, 小籠包d皮就厚咗少少.

螺片好新鮮, 豬頸肉都好味

杯特飲幾colourful, 甜品幾吸引

呢個tea buffet 值得推介, 而且仲可以食到6點, 基本上食完呢餐都可以唔使

食架啦, 但小貓子約咗人, 咁當然要繼續"撐"埋落去啦, 之後轉戰CWB的洞

庭樓, 未食過, 但見d食評唔錯, 所以咪試下囉. 

洞庭樓是食湘菜, 即湖南菜, 特色係辣, 所以我同朋友都好期待, 但食完好

失望, 因為一d都不辣. 

涼瓜炒銀芽, 呢個緊係唔expect佢辣啦, 諗住未食過, 以為好特別, 但點知唔特

別之餘仲要咁少涼瓜, 乜d涼瓜好貴咩?  60幾元食碟炒銀芽, 小貓子覺得好蠢!

呢個左宗棠蝦賣相同味道都唔錯, 蝦好新鮮, 但就一d都唔辣, 個menu上

明明有兩隻椒架(好似搵唔到三隻椒的菜式), 但結果似甜酸蝦球多d. 

海參窩巴, 海參同個汁都OK, 但d friends覺得個窩巴唔夠脆, 小貓子就無乜

感覺, 因為一向對窩巴都麻麻地.

呢碟"刴椒桂魚"睇個樣係咪好辣, 好霸道呢? 都係"兩隻椒"食品, 落單時個

侍應仲強調好辣下, 要唔要減辣, 我們很豪氣話唔使. 結果係: 味道幾好,

幾開胃, 魚都好滑, 但大家唔好比佢欺騙, 只係少少少辣之作,  辛辣麵絕對

辣過佢!

唯一驚喜係就係呢個甜品, 金陵驢打滾, 一定要食, 超好味!