Bellycat的部落格

小白星期一晚8點多才來到,  原來是一隻頗大隻的貓, 比"嘉德利奧"小一號, 結果發現新買的貓厠所不夠大, 又要立即出去換個隻大的返來, 幸好最後都啱用!

小白其實是一隻灰黑色得近乎黑色的貓, 除了貓頭及頸有點紋外, 幾乎是整隻都灰灰黑黑的, 外貎不算"英俊", 但都幾得意, 可能因為肥的關係吧!  牠來到當晚就搵地方"理"埋, 但當我們睡的時候就出來行, 結果整晚都在喵喵叫, 叫到差不多5點才停, 搞到無得"瞓".

昨天一整天除了下午出來玩了一陣後, 其他時間都在玩自閉, 幸好到晚上9點多牠終於出來, 但牠不肯食嘢, 只是喝了點水, 令人有點擔心! 昨晚牠都有叫, 但叫少了點, 勉強有得"瞓".

今天就無"理"埋, 開始周圍探索, 是一隻很好奇的貓, 牠今朝喝了點水, 吃了很少很少貓魚,  明顯比剛來的時候瘦了,  希望牠快點熟悉環境後就肯食翻嘢!

其實現在個心都十五十六, 唔知養不養佢好?  如果將佢再比人, 佢又要重新熟悉個環境, 又要驚幾日, 好似好可憐咁!

牠是一隻腰長腳短的貓, 前腿肥嘟嘟, 鐘意用個頭貼住小貓子的腳, 然後就好似一pat肥豬肉咁碌係地下, 要你摸牠, 都好黏人, 但我發現牠不太睡覺, 不知是不是新環境的關係, 再睇下啦!

 

因為肚腩有少少白, 所以就叫"小白"囉!