Bellycat的部落格

Hello! 我係小白, 花名係"黑芝麻飯糰" , 因為小貓子媽咪話我似一舊飯糰喎!  其實我一D都唔蠢架, 不過個樣長得比較敦厚啫!

今日是12月24日, 小貓子過了一個好滿足的平安夜, 因為可以看到小貓子的偶像王力宏的港樂表演, 其實小貓子都係今年年初先開始迷lee hom咋, 所以這也是第一次聽lee hom 的 concert.

昨日在Physical 玩了一堂 Folk Dance, 這讓我懷念起以前恒商的生活, 記得那時上課外活動時為了讓大家選擇所參加的班, 可以試玩看看有沒有興趣, 所以小貓子曾經參加過一堂試玩, 但當時沒有跳舞天份的我(其實現在都無乜), 當然最後沒有參加而選擇了比較沉悶的國畫班.  如果沒有記錯的話, B君應該都係join Folk dance 的.  聖誔節了, 舊年他有sent X'mas greeting 給我們, 但今年應該不會.  因為大半年都沒有聯絡, 而我又不想sent, 算了,  我都好忙, 沒時間掛住他!

今天小貓子同大貓子等人提早一天做"冬", 因為正日要留番比大福媽咪.  為了就大貓子, 我們今次還是在X魚頭吃, 雖然無人生日, 但都有叫壽飽, 因為好好食囉!  今次的燉湯是螺頭加象拔蚌, 好補, 但小貓子還是覺得上次的花膠燉雞好飲D, 不過到最後一大煲的燉湯都飲晒.  今次叫了個8人套餐,  其中燉湯及壽飽要另外加錢, 10個人吃, 埋單1540元連貼士, 不貴, 除了碟菜的味道比較淡外, 其他都不錯, 小貓子吃了兩個壽飽,  好滿足呢!

小白已經來了我家四天, 佢開始習慣同埋肯食嘢, 不過都不是吃太多, 希望佢可以快D食番多D嘢, 個肚腩仔都細咗添!

今日豬扒兒突然告訴小貓子王力宏在澳門威尼斯開巡迴演唱會(澳門站), 吓, 咁突然同咁快, 之前上網search"王力宏港樂"時都唔見這個消息, 係上網時是見到有人問, 但都無咩確實消息話佢會係澳門開concert, 今日報紙就刋登這個消息, 真是覺得好surprise!

小白星期一晚8點多才來到,  原來是一隻頗大隻的貓, 比"嘉德利奧"小一號, 結果發現新買的貓厠所不夠大, 又要立即出去換個隻大的返來, 幸好最後都啱用!

昨晚上了第12堂, 因為上星期一Miss病了, 所以順延.  其實昨天小貓子都是帶病上課, 幸好都是重溫之前的舞步, 沒有教新嘢,  所以都撐得住.  昨天又多選了一對耳環價值199元(半價), 都算幾抵, 而同學D小姐則一口氣買了3對. 

昨天和E小姐join了EGL的二天團去台山的康橋溫泉, 其實小貓子對大陸的短線團一直都不太感興趣, 因為行程真是不太吸引.  但這次的主打是康橋溫泉, 所以雖然團的行程一般,  景點也不多,  但康橋溫泉本身就OK, 算是一個不錯的渡假地方!

下午到CWB Physical 跳belly, 但亞Sir整堂都是教basic steps, 所以都無乜跳到舞, 有點悶, 但那些basic steps 又的確幾"蝦"人跳, 如果跳到都應該可以"下山"了.  這個扣一堂coupon的belly dance從12月中開始又要扣兩張coupon了, 好貴啊! 這樣我就不會特登去CWB跳, 連車錢都蝕埋!

六天的長生學已上四天, 但我其實只去了三天, 因為星期六走了堂去吃飯.  這次上課很熱鬧呢, 有大福, J小姐及金仔媽咪, 但由於他們都是一下班就去, 而放學的時間又很晚, 基本上聊天的時間只有break 個10分鐘及放學去搭車的小許時間.  不過最重要是大家都學到嘢!

今天是同workshop的同學聚餐, 目的當然是為了看亞 Sir 上次幫我們拍的video, 其實都知道自己跳得錯漏百出, 但還是想看看.

自從上完workshop 的 belly dance後, 已很久沒有上星期五晚荃灣的堂, 因為一來人多, 二來要扣兩張coupon, 今天因為約了P小姐, 所以就去了, 不過真的很多人, 就算扣兩張coupon還是頗滿, 證明亞Sir的魅力不減!

今天上第11堂啦! 已經是第二個Beginner course, 因為Miss說要兩個beginner course才可升初班.  上一堂終於開了首歌給我們跳, 之前全是教basic steps.  由於這一班人數不是太多, 所以Miss 很細心地執我們的動作, 而我們也不心急, 情願學慢一點也想學好基本步, 說真的, 學belly dance 不難, 難在如何做得動作好, 有些基本step 還是做得不理想, 聽拍子也常常出錯, 仍需繼續努力!

今天收到J小姐旳電話，原來她飼養的 Cookie於上星期三已經走了，不過牠都很大年紀了，已經12歲．Cookie可以說是小貓子的孫，因為牠是我以前養的兩隻龍貓－波波and mimi 所生的（兩隻都是白色帶一點灰），牠們一共生了四隻小龍貓，分開四胎生的．第一隻及第三隻是全灰色，第二隻及最尾個隻是白色帶灰，都唔知點解顏色會不一樣，可能波波and mimi 都是配種配出來，牠們的袓先或者都有灰色也說不定．

前文提要，昨天有重要的事要辦，什麼重要事情呢？就是小貓子之前join 了一個跳舞workshop 的最後一堂, 而且晚上亞Sir會幫我們拍video. 雖然這12堂一路跳一路驚（因為怕跳得不好，驚比亞Sir鬧），但好歹也挨到最後，而且沒有走堂，所以雖然到最後我都不是很滿意自己的表現，但都積極參與，為自己留下一個難忘的回憶. 而且大部份的同學都有參加，都幾難得．

今天小貓子終於決定開Blog，開Blog的step都摸索了一些時間，大福又不幫我，掛住睇書，到最後發脾氣才過來幫我，因為如何post 相都花了點時間，不過最後總算成功．我都想弄得個Blog靚靚，但目前背景或照片都比較貧乏，還需要花點時間慢慢set up．希望可以盡快整得個Blog漂亮一點，那自己寫Blog時也會開心一些．